Prafulthar's Articles

ગુજરાતી લેખો, કવિતા, ગઝલો, વાર્તા

‘માનવતાની મહેંકો…’- પ્રફુલ ઠાર


કુદરત માણસને હંમેશા દ્વિતામાં નાખે છે. માણસ માણસ સાથેનો કોઇક ખરાબ અનુભવ થાય તો તરત જ આપણને માણસ માણસ પરથી વિશ્ર્વાસ ઉડી જાય છે અને કોઇ સારો અનુભવ થાય તો હજી માણસમાં માણસાઈ છે તેમ વિચારતા કરી દે છે.
મને યાદ છે આજથી ૪ દાયકા પહેલાં મારા સ્વર્ગસ્થ પિતાશ્રીના એક મૂળ ભરૂચના પાક્કા ખાદી ધારી મિત્ર શ્રી હરીહરભાઇ, રજાને દિવસે અચૂક અમારા ઘરે પોતાના કુટુંબ કબીલા સાથે ઘરે આવતા. અમો સાથે આનંદ લેતા સાથે સાથે ભજન અને સત્સંગ કરતાં અને કોઇ સારા નરસા કે સુખ-દુ:ખની વાત નીકળે તો છેવટે વાત પૂરી થાય એટલે તે મારા સ્વર્ગસ્થ પિતાશ્રીને ગોરધનદાસની બદલીમાં ફકત ‘દાસ’ કહી સ્વર્ગસ્થ હરિહરભાઇના મોઢામાંથી હંમેશા શભ્દો નીકળે “દાસ..જવાદોને, આતો બધી કનૈયાની લીલા છે, તે જેમ રમાડે તેમ રમવું પડે.’.
ખરેખર, આ વાતને થતાં અનુભવોથી આ માન્યતાને અપવાદ રૂપી સ્વીકારી શકાય તેવી છે કારણકે દરેક વાત સિક્કાની બે બાજુ જેવી હોય છે.
ત્રણ દિવસ પહેલા જતિનનો ફોન મારા પર આવ્યો. ‘કેમ છો કાકા?’ એટલે મેં જવાબ આપ્યો ‘ઓકકે છે’, “બોલ શું હતું?’ એટલે તેણે વાત કરવાની શરૂ કરી કે “ફલાણા ફલાણા.. હાલ વલસાડમાં છે અને તેની પત્નિ કેન્સરમાં પટકાયેલી છે. વધારામાં, તેના ૧૪ વર્ષના પુત્રને હ્યદયના વાલ્વમાં કાણું પડી ગયું છે તેથી સુરતમાં ત્રણ દિવસમાં ઓપરેશનનું નક્કિ કરેલું છે અને તેનો ખર્ચ આટ આટલો ડૉકટરે કહ્યો છે તો તે માટેના ખર્ચને પહોંચી વળવા તમારા ધ્યાનમાં કોઇ સંસ્થા કે ટ્રસ્ટ હોય તો મદદ કરવા ક્યાંક તમે વાત મૂકી શકતા હોય તો…”
મેં તેને એક કલાકમાં જે કંઇ હશે તે જણાવું છું કહી મારા લાગતા વળગતાને સંપર્ક સાધવા ચક્ર ગતિમાન કરી દીધા ! પહેલો ફોન પૂના સ્થિત શ્રી ભુપેન્ઢ્ર ભાઇને વાતની બીના કહી તો તેઓશ્રીએ તરત જ કહ્યું કે કામ થઇ જશે અને બીજે દિવસે તેનાથી થતું ફંડ તેને કરી આપ્યું. આગળ જતાં મુંબઇમાં રહેતાં મેં શ્રી યોગેશભાઇનો સંપર્ક કર્યો અને તેને પણ બધી વાત કરી અને એક પણ મીનીટ બગાડયા વિના તેણે કહી દીધું કે ‘ચેક કોના નામનો લખવાનો છે તે કહો અને જતિનને કહેશો કે પોતાનાથી બનતો ચેક લખીને રાખું છું ગમ્મે ત્યારે આવીને લઇ જાય.’ હું ખૂબ ખૂશ થયો કે બે જગ્યાથી કામ સરળતાથી થઇ ગયું. જો કે આ બંને દાતાઓ ફંડ લેનારના પરિચયમાં હતાં જ. જો કે હજી, ફંડ પૂરૂ કરવામાં અમો થોડા દૂર હતાં ત્યાં જ મહેન્ઢ્રભાઇ જેવા હિતેચ્છુનો મારા પર ફોન આવ્યો કે તેમના પર પણ જતિનનો ફોન ગયેલો. મહેન્ઢ્રભાઇએ મને કહ્યું કે જો તમે ફલાણાં ફલાણાં ભાઇના પૂત્ર જાગૃતભાઇ ને ઓળખતા હોવ તો તેને કહેશો તો કામ થઇ જશે…
હું વિચારમાં પડી ગયો કારણકે હું શ્રી જાગૃતના પરિચયમાં કદી આવ્યો નથી પણ તેમના સ્વર્ગસ્થ પિતાને ઓળખતો અને તેમના અવાર નવાર પરિચયમાં આવેલો. ઉપરાંત જાગૃતની શ્રીમતિ અંજુ કે જે અમારા સ્નેહી નીના અને જયેશની તેમજ મારા શ્રીમતિના પરિચયમાં હતી તેથી પહેલાં તો મેં નીના-જયેશને ફોન પર બધી વાત કરી એટલે તેઓશ્રીએ પણ તરત જ કહ્યું કે અમો જાગૃતને ફોન કરશું અને તમે બીજે દિવસે વાત અંજુ-જાગૃત સાથે કરજો..
મેં બીજે દિવસે સૌ પ્રથમ અંજુને વાતની બીના કહી અને જાગ્રૃતને યોગ્ય કરવા કહેવું એવી વિનંતી કરી…અંજુએ તરત જ થોડીવારમાં ઘરના નંબર પર ફોન કરીશ જણાવી ઘરનો નંબર લીધો. બરાબર અડધી કલાકમાં જ અંજુનો ફોન મારા પર આવ્યો અને પુછયું ઑપરેશન માટે કેટલું ફંડ ખૂટે છે ? એટલે મેં સંકોચતા અનુભવતા એક આંકડો કીધો જે તેણે ક્ષણ વારમાં જ કહી દીધું કે સોમવારે સવારે જાગૃત ઓફિસમાં જઇને તેમના હોસ્પિટલનું નામ તમારી પાસેથી લઇ તે નામનો બેંક ઢ્રાફટ તૈયાર કરાવી લેશે જે બપોરના સમયે તેમની ઓફિસમાંથી મેળવી લેજો.
વાત સાંભળીને મનો મન હર્ષના આંસુ આવી ગયા કે દુનિયામાં આવા માણસો પણ પડયા છે કે કોઇ જ જાતનો મારી સાથેનો સીધો પરિચય નહી અને એક ફોનની વાત ઉપર મદદ કરનારા દાતા પણ છે !
બીજે દિવસે સવારે ધંધાના સમયે તેમની ઓફિસમાંથી નીતીનભાઇનો હોસ્પિટલનું નામ જાણવા ફોન આવ્યો અને બે કલાકમાં ડ્રાફ્ટ લઇ જવા જણાવ્યું મેં આ સંદેશો જતિનને કહ્યો અને તેને ફોન કરી જાગૃતની ઓફિસમાં જવા કહ્યું. ખૂશીની વાત તો એ છે કે જતિનને તરત જ બે કલાકમાં બેંક ડ્રાફટ કોઇ પણ જાતની મોટાઇ બતાવ્યા વગર બેંક ડ્રાફટ કહેલા ફંડનો જતિનને આપી દીધો..
કહેવાનું તાત્પર્ય એજ છે કે મને ખબર છે કે આજે ઘણી જગ્યાએ દાતાઓ કે ટ્રસ્ટો મદદ કરવા માટે છે પણ આટલું જલદી કામ કરનારા મેં પહેલા જ અનુભવ્યા આજે ધણાં ધનાધ્ય ઉદ્યોગપતિઓ બધાનાં સમાજમાં હશે પણ ખરેખર માણસને મદદ કરતા હોતા નથી કારણકે તેઓનું મન જ નાનું હોય છે. અને ઘણીવાર તો શેઠના પણ શેઠ ઓફીસના માણસો હોય છે કે શેઠે ફંડ આપવાનું કામ સોપ્યું હોય તો મદદ લેવા જનારને ખાસ્સો સમય બેસાડી તો રાખે ઉપરથી અનેકો સવાલો બહાર બેસીને પૂછી નાંખે..
ધન્ય છે એ ઉપરના ત્રણેય દાતાઓને કે કોઇકની જીંદગી બચાવવા વહારે આવ્યા !  અને એટલે જ લખવાનું મન થઈ જાય છે કે….
અરે ! ઓ ફરિસ્તાઓ, અમોને તમારા જેવા દાતઓ પર ગર્વ છે,
દરેક ક્ષણે તમને યાદ કરતા રહેશું
અમને ખબર નથી, પણ ઘરવાળા કહેશે કે,
અમો ઊંઘ માં પણ તમને યાદ કરીએ છીએ.
કોઇકે સાચું જ લખ્યું છે કે માણસોના અનેક સ્વરૂપો છે. મિત્રો, પતિ, પત્ની, સ્નેહી, સગા કે સ્વજનો સાથેના સંબંધો સતત ધબકતા રહેવા જોઈએ. એ પણ ઉપરછલ્લી રીતે નહીં પણ એકદમ તીવ્રતાથી અને અંદરના ઊંડાણથી. સાચું સુખ સંપત્તિમાં નહીં પણ સંબંધોમાં જ સચવાયું હોય છે. સંબંધો એક ખાબોચિયામાં બંધિયાર ન થવા જોઈએ, એ તો ઝરણાંની જેમ ખળખળ વહેવા જોઈએ. એવું ઝરણું જેમાંથી સુમધુર સંગીત પણ મળે અને તરબતર કરી દે તેવી ભીનાશ પણ. સુખી કરવાની સાચી શક્તિ કોઈ સ્થળ કે સ્થિતિમાં નથી પણ સાચા સંબંધોમાં જ હોય છે. સંબંધોને સુકાવા ન દો. સતત ધબકતા રાખો અને તેનો આહલાદક ધ્વનિ દિલથી માણો.
*******
Advertisements

સપ્ટેમ્બર 29, 2010 - Posted by | Praful Thar's blog for Gujarati Articles Poems,Gazals,story and Photos |

6 ટિપ્પણીઓ »

  1. IREAD YOUR ARTIKLES IN GUJARATI TO-DAY.EXCELLENT EFFORTS,
    SHALL READ AS AND WHEN GET TIME PERMITS.KEEP IT UP,
    I AM YOUR NEIGHBOR FROM C 408 FLAT.

    ટિપ્પણી by jayantbhai mehta | ઓક્ટોબર 5, 2010 | જવાબ આપો

    • શ્રી મહેતાસાહેબ,
      આપે મારા વેબ બ્લોગની મુલાકાત લીધી તે બદલ આભાર…
      લી.પ્રફુલ ઠાર

      ટિપ્પણી by Praful Thar | ઓક્ટોબર 5, 2010 | જવાબ આપો

  2. Tunk ma kahish saro paisso hoy to sara rastej jay.

    ટિપ્પણી by neena | ઓક્ટોબર 6, 2010 | જવાબ આપો

    • પ્રિય નાની
      વાત ખૂબ જ સત્ય લેખાવી શકાય પણ સાથે સાથે અનુભવ કહે છે કે સારો અને સત્યનો પૈસો પણ સાચા માણસને સાથ આપતો નથી અને છેવટે લોકો કહેતા ફરે છે કે ભાઇ કરમની કઠનાઇ તો ભોગવવી જ પડે !
      પ્રફુલ ઠાર

      ટિપ્પણી by prafulthar | ઓક્ટોબર 16, 2010 | જવાબ આપો

  3. dhany che te dataone

    ટિપ્પણી by zala kiran | ઓક્ટોબર 16, 2010 | જવાબ આપો

    • શ્રી કિરણભાઈ
      સાઈટ પર જઇ પ્રતિભાવ મોકલવા બદલ આભાર !
      પ્રફુલ ઠાર

      ટિપ્પણી by prafulthar | ઓક્ટોબર 16, 2010 | જવાબ આપો


પ્રતિસાદ આપો

Please log in using one of these methods to post your comment:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

%d bloggers like this: